დიფფეიკი იქმნება თვითდასწავლის უნარის მქონე კომპიუტერული პროგრამით, რომელსაც დიდი რაოდენობით ფოტოების გაანალიზება და ე.წ. ციფრული ნიღბის შექმნა შეუძლია.

ერთი და იმავე მეთოდით დამუშავებული ვიდეო განსხვავებული კადრის სიხშირეებითაა გადმოწერილი. პროცესი ერთია, თუმცა ვიდეოს, რომლისთვისაც მრავალფეროვანი მონაცემებია გამოყენებული, მეტი დრო დასჭირდა დამუშავებისთვის. აშკარაა, რომ ამ მოდელმა პროდუქტიც უკეთესი შექმნა.

ამ დიფფეიკის რეზოლუცია 64 px-ია. რაც უფრო დაბალი ხარისხის ფოტოებს ავარჩევთ, მით უფრო ნაკლები დრო დასჭირდება ალგორითმს ვიდეოს დასამუშავებლად. თუმცა, სურათებს თუ მიაახლოებ, უფრო აშკარად დაინახავ ვიზუალურ ხარვეზებს.

დიფფეიკის დამუშავების პროცესი ასეთია: პროგრამა ჯერ ციფრულ ნიღაბს ქმნის, შემდეგ ადარებს ორიგინალ ვიდეოს და ცდილობს, რომ მასალები ერთმანეთს მაქსიმალურად შეუსაბამოს. როცა ყველა სურათს გაივლის, ამ პროცესს თავიდან იწყებს. ჯამური დრო კომპიუტერის სიმძლავრეზეა დამოკიდებული.

ვერბალური მანიპულირების დამუშავებას მეტი დრო სჭირდება, თუმცა მისი ამოცნობა გაცილებით რთულია. მიუხედავად იმისა, რომ ალგორითმი მსგავსია, ზემოთ ჩამოთვლილი ხარვეზები თითქმის არ ეხება ამ ტიპის დიფფეიკს.

დიფფეიკის ამოსაცნობად დააკვირდი, სახის რომელიმე ნაწილი ოდნავ მაინც თუ არის ბუნდოვანი. გარდა ამისა, შეიძლება აუდიო და ვიდეო არ იყოს სინქრონიზებული ან რაიმე სხვა ტიპის ხარვეზი ემჩნეოდეს ხმას. როცა ისეთი შინაარსის ვიდეოს გადააწყდები, როგორითაც დიფფეიკების შემქმნელები დაინტერესდებოდნენ, ამ აპლიკაციით ნასწავლი მეთოდები გამოიყენე, რათა არ მოტყუვდე. თუ მაინც დაეჭვდები, აუცილებლად გადაამოწმე ვიდეოს წყაროც.